主页 > 十大走在 >【盘房来料】港股险守支持危危乎 >

【盘房来料】港股险守支持危危乎

2020-06-13 245评论
【盘房来料】港股险守支持危危乎放大图片

中美新一轮贸易谈判将于明日展开,但美国商务部喺周一先宣布将28间中国科技公司及公安部门,列入美国出口管制黑名单;隔晚又宣布因为新疆维吾尔族及其他回教少数民族问题,对相关嘅中国官员实施签证禁令,连官员家属嘅赴美旅行也将受到限制。咁你美国摆咗个咁嘅姿态,中国亦唔会同你客气,传闻将缩短行程。本来上两个星期市场对于今次中美贸易谈判充斥住乐观情绪,更有缸边友以为今次係一个终结,贸易战可以告一段落。阿Man呢就一向审慎兼保守,基于两国喺四大原则好难达成协议之下,其实搞多N咁都次谈判都未必讲得掂数。

中美双方嘅四大矛盾包括,一,贸易逆差问题,呢个係死症,无得搞;二,知识产权问题,呢个要问中国,又係无得搞;三,政策倾斜同补贴问题,两边都有各自补贴不同产业,有理说不清;最后係滙率操纵问题,係涉及双方徵收关税,一个鸡先定蛋先嘅问题,即係又无得搞。咁呢四大矛盾一日解决唔倒,究竟可以点倾落去,阿Man就当然唔识拆局。

受贸易谈判再添阴霾拖累,美股隔晚显着下跌,恒指今日低开156点,一度跌211点见25682点半日低位。不过阿Man都讲过25600点呢一个重要支持不容有失,其后恒指跌幅曾收窄至26点,见过25866点半日高位;国指更倒升,可惜最终又打回原形,回复跌势。中午恒指报收25716点,跌176点;国指则跌10189点,跌12点。

大摩唱衰本地银行,将香港银行评级降至谨慎,仲叫减持大笨象(00005)及恒生(00011),并调低多间本地银行股目标价,呢个板块无一倖免,全部插水。当中东亚(00023)跌3.5%跑第尾,恒生唔好得几多,半日都要跌3.4%。
之前市场对贸易谈判有所憧憬,手机设备股落镬,阿Man有提醒过大家要知进退,皆因呢个板块对贸易战消息敏感,随时一啖砂糖,一啖屎。今日整个板块均告下跌。当中比亚迪电子(00285)跌半成较为惨情。

每次贸易战有乜冬瓜豆腐,金矿股就落镬,金价上升反映资金再度避险,金价重上1500美元,银行亦上升,阿Man始终锺情SPDR黄金ETF(02840),不过相对金价呢只ETF真係跟唔足,谂谂下去银行直接买paper gold可能更着数。

麦狄文
(徐狄怡‧证监会持牌人)



热门
推荐