主页 > 商务应用 >【盘房来料】濠赌股间唔中死猫弹 >

【盘房来料】濠赌股间唔中死猫弹

2020-06-13 121评论
【盘房来料】濠赌股间唔中死猫弹放大图片

中美贸易谈判一切準备就绪,本来都好哋哋,但美国好似不甘寂寞咁,表示拟启动向75亿美元欧盟商品徵收关税,欧盟当然唔会咁易屈服,较早前已放风,若然美国搞搞震,欧盟一定覆桌。欧美股市隔晚有得震,冇得瞓,再加理美国呢两日公布嘅经济数据,反映美国经济恶化中,美股隔晚跌到走晒样,三大指数跌逾1%,连续第二日急挫。不过港股继续好似噚日咁款……力托,喺亚太区股市中表现较佳。

恒指低开211点,开市最多跌233点,半日低位25809点,竟然未跌穿昨日低位,其后跌幅继续收窄,曾仅跌76点,见过25966点半日高位,受制于26000点。恒指中午报收25918点,跌124点;国企指数一午报10151点,跌31点。

虽然指数跌百几点唔算多,至少恒指仲力守25600至25700呢个重要支持位,前者接近250周线(25602点),后者则接近50月线(25698点),呢个重要支持暂时力守,但係唔少重磅股表现都係麻麻。大笨象(00005)唔使问继续跌,穿咗60元呢个大位,今日再跌1.5%。三桶油亦脚软,讲咗N次油价係目前环球经济状况下,实在好难劲升,所以石油股高追必遇伏,几乎百发百中。而中海油(00883)更被大行调低评级,股价半日跌1.7%。较为奇怪係今日濠赌股竟然逆市上升,好老实澳门博彩收入买少见少,呢个板块近年几都废咗武功,间唔中死猫弹两下,就係可以不理。

内需股真係高处未算高,持续跑赢大市,今日两件重量级内需股美团(03690)及新丁百威亚太(01876)继续寻顶,后者差些少到短期目标30元,有货要留意住係咪要随时食糊。而阿Man早于年初已有推介嘅安踏体育(02020),即使曾遭沽空机构狙击,但真金不怕洪炉火,股价再创新高,半日升逾3%,多得有大行调升评级及目标价。既然资金继续撑内需股,阿Man认为又係时候望望蒙牛(02319),连续升番几个交易日,睇吓有冇本事上番30元,并收复其他移动平均线,目标睇番32元,再跌穿29元要识执生。

麦狄文
(徐狄怡‧证监会持牌人)