主页 > 百科今日 >【盘房来料】港股死叉再现 下月或迎下一波跌浪 >

【盘房来料】港股死叉再现 下月或迎下一波跌浪

2020-06-13 676评论
【盘房来料】港股死叉再现 下月或迎下一波跌浪放大图片

美国孳息倒挂情况加剧,衰退警号已响起,美国经济衰退来临并有可能相当严重,拖累隔晚美股由升转跌,三大指数均告跌收场。不过港股喺明日期指结算前则冇乜方向,只係嗰二百点左右範围上落。

虽然恒指早段高开103点后,一度升166点,见过半日高位25830点,其后乏力再向上掉头回落,结果倒跌58点,见过半日低位25605点。中午恒指报收25677点,升13点;国指则升18点,中午报收10014点。至于MSCI纳入因子扩容后嘅A股,今日脚软半日报跌,话咗噚日A股升係追蹤指数基金被动买盘带动,今日热情过后又回复弱势。

至于蓝筹重磅股个别发展,腾讯喺美国上市嘅腾讯音乐捲入反垄断调查中,隔晚股价喺美国插水近7%,腾讯(00700)今日亦下跌1.3%,留意短线支持320元失守,其跌势将加剧。早两日逆市做好嘅医药蓝筹孖宝,今日出现回吐,石药(01093)半日跌4.7%;中生製药(01177)则跌2.5%,而板块内其他医药股,大都由升转跌。提醒大家医药股现水平估值不算便宜,一旦市况稍后进一步转弱,资金进一步撤离股市,之前受追捧嘅医药股,亦不资金撤离嘅命运。总之有货喺手要提高警觉。

除咗医药同物管股,阿Man喺大市调整期间,亦曾呼吁买内需股,进可攻,退可守。而今日半场内需股表现突出,之前推介过嘅蒙牛(02319)、海底捞(06862)及华润啤酒(00291)齐齐破顶,反而日清食品(01475)有啲脚软,创新高后倒跌。除咗内需股,家电股亦受国务院消费20条,支持绿色智能商品以旧换新所刺激,唔少家电股均录得不俗升幅。

对于大市今日较为呆滞嘅走势,阿Man唔觉得意外,除咗无乜其他消息之外,明日係期指结算,今日係转仓高峰期,估计大户开始部署下月仓位,暂时睇下月期指低水,主要係除净因素,只不过恒指日线图,又再出现死亡交叉,周线图亦然,睇嚟下个月港股有机会再迎来另一波向下震荡,25000关岌岌可危,刻下仍未係捞底好时间,缸边友都係自求多福吧!

麦狄文
(徐狄怡‧证监会持牌人)



热门
推荐