主页 > 百科今日 >【盘房来料】百威估值唔平炒作要快转身 >

【盘房来料】百威估值唔平炒作要快转身

2020-06-13 472评论
【盘房来料】百威估值唔平炒作要快转身放大图片

港股半日先跌后回升,虽然周末期指曾传出美国考虑限制美国在华投资,当中包括将中概股喺美国退市,不过财政部表示当前没有计划阻止中国公司喺美国上市,亦并未回应是否可能会採取其他行动。呢个所谓核弹级消息由于只係得个传字,并未对港股带嚟太大影响,反而内地官方及财新PMI均胜预期,製造业景气有所改善,带动港股重上二万六水平。

恒指今早低开110点,开市后一度跌168点,见半日及9月4日以嚟低位,报25786点。其后喺内地公布PMI指数后,港股拗腰侢升,最多升135点,见26090点。中午恒指报收26088点,升133点;国指半日报收10209点,升60点。半日成交额得三百几亿,减埋重量级新股百威亚太(01876)嗰55亿成交额,半日成交都係仅仅过300亿。

重磅蓝筹股普遍上升,但友邦(01299)跟石药(01093)逆市下跌,其他都有唔错反弹,普遍反弹超过1%,腾讯(00700)虽然只升0.6%,但上番330元楼上,终于咗连日跌势,但股价仍然处于多条移动平均线之下。不过港股虽然有得弹,只係明日假期,阿Man就宁愿食花生唔追货。

值得一提係百威亚太呢只新丁,首日表现令人另眼相看,喺人人有份嘅情况下,竟然录得超过6%升幅。由于新股无往绩可寻,但纯睇估值,百威亚太绝对唔係平,参与炒作唔係话唔得,都係嗰句要转身够快。

今日内需股表现突出,唔少食品股都落镬,不过好似达利食品(03799)开市即见高位5元,但之后已落番去,图表都係出咗大枝阴烛,呢吓睇落唔多靓仔。其他食品股普遍录得超过1%升幅,当中乳业股反弹较为明显。之前跌到一仆一碌嘅澳优(01717)今日弹得唔错,睇嚟短期应该搵到个底。

至于中远海能(01138)今日复牌,股价一度大插两成,主要係集团旗下直接全资附属大连油运已被美国财政部外国资产管理办公室(OFAC)列入特别指认国民名单。被美国盯上,呢铺中远海能有啲麻烦,本来停牌之股价走势有啲好转,家下整咗个大裂口,即使今日收市出番枝阳烛,短期走势都係难有作为,加上面对被美国盯上呢个问题,公司平添重大不稳定因素,短期都係避之则吉。

麦狄文
(徐狄怡‧证监会持牌人)